ზრდასრული თაგვების ძვლის ტვინიდან ზრდის შემაკავებელი თერმოსტაბილური ცილების კომპლექსის გამოყოფა და შედარებითი შესწავლა

ავტორი: ნინო მაზიაშვილი
თანაავტორები: ეკატერინე ბაკურაძე, ირინა მოდებაძე, ლევან რუსიშვილი, ნინო ბედინეიშვილი,
საკვანძო სიტყვები: თეთრი თაგვები, ძვლის ტვინი, ზრდის ფაქტორი, მიტოზური ინდექსი
ანოტაცია:

ანოტაცია ზრდასრული თაგვების ძვლის ტვინის უჯრედებიდან გამოყოფილი და ნაწილობრივ დახასიათებულია თერმოსტაბილური ცილების კომპლექსი (თცკ). პოლიაკრილამიდის გელში ელექტროფორეზის მეთოდით ჩატარებულია თცკ-ს კომპონენტების შედარებითი ანალიზი. დადგენილია, რომ ზრდასრული თაგვების ძვლის ტვინიდან გამოყოფილი ცილოვანი კომპლექსი, სხვა ორგანოებიდან მიღებული კომპლექსების მსგავსად, შეიცავს ცილოვანი კომპონენტების ორ ქვეჯგუფს მოლეკულური მასებით: 45-60კდ და 12-14 კდ. ამასთან, ძვლის ტვინის თცკ-ში გამოვლინდა დაბალმოლეკულური კომპონენტის (12-14 კდ) მინორული შემცველობა. დადგენილია, რომ ზრდასრული თაგვების ძვლის ტვინის უჯრედების თერმოსტაბილური ცილების კომპლექსს გააჩნია ჰომოტიპური უჯრედების გამრავლებაზე დამთრგუნველი ზემოქმედების უნარი. კერძოდ, ძვლის ტვინის თცკ 15%-ით აქვეითებს ჰომოტიპური უჯრედების მიტოზურ აქტიურობას, რაც შესაძლებელია, დაბალმოლეკულური კომპონენტის მინორული შემცველობით იყოს განპირობებული. ზრდასრული თაგვების ძვლის ტვინის ენდოგენური ცილოვანი კომპლექსის დამრთგუნველი ზემოქმედება არ ვლინდება მოზარდი ცხოველების როგორც ჰეტერო-, ასევე ჰომოტიპური უჯრედების პროლიფერაციაზე, რაც იმაზე მიუთითებს, რომ ზრდასრული თაგვის ძვლის ტვინიდან გამოყოფილ თცკ-ს შენარჩუნებული აქვს ქსოვილსპეციფიკურობა მოზარდი ორგანიზმის აქტიურად პროლიფერად უჯრედებთან მიმართებაშიც. ეს შეიძლება აიხსნას მოზარდი და ზრდასრული ტვინის ქსოვილის, როგორც სისხლმბადი ორგანოს განსაკუთრებული ფუნქციური მნიშვნელობით.