დირაკ-რარიტა-შვინგერის ტიპის განტოლება დაბალ განზომილებიანი სისტემებისათვის

მოცემულ ნაშრომში გაბხილულია 3/2 სპინის მქონე აგზნებები, რომლებიც სავარაუდოდ არსებობენ დაბალგანზომილებიან კონდენსირებულ სისტემებში კვაზინაწილაკების სახით. ამგვარი ტიპის კვაზინაწილაკების ყოფაქცევა აღიწერება დირაკ-რარიტა-შვინგერის განტოლებით, რომელიც განხილულია 2+1 განზომილებიან სივრცე-დროში. დაბალ ენერგეტიკულ რეჟიმში სისტემა შესწავლილია არა-რელატივისტურ ზღვარში, რომლისთვისაც ნაპოვნია ენერგეტიკული სპექტრი და მდგომარეობის ვექტორები. ასევე განხილულია და აღნიშნული სისტემისთვის გამოთვლილია ბერის ბმულობა და ფაზა, რისი მეშვეობითაც გამოთვლილია უილსონის მარყუჟის შესაბამისი მნიშვნელობა.