ატომური აბსორბციული სპექტრომეტრიის ხელსაწყოების მეტროლოგიური მახასიათებლების და შესაძლებლობების კვლევა და მათი გაუმჯობესების საინჟინრო გადაწყვეტილებები

ავტორი: მარიამ ორაგველიძე
თანაავტორები: ილია ბუზალაძე, შალვა რაქვიაშვილი, დიმიტრი სამხარაძე
საკვანძო სიტყვები: ატომური, აბსორბცია, სპექტრომეტრი, კვლევა
ანოტაცია:

ივანე ჯავახიშვილის სახელობის თბილისის სახელმწიფო უნივერსიტეტის ე.ანდრონიკაშვილის სახელობის ფიზიკის ინსტიტუტის ატომური აბსორბციული სპექტრომეტრის C-115 მაგალითზე შესწავლილია ატომური აბსორბციული სპექტრომეტრიის მეთოდის და ხელსაწყოების მეტროლოგიური მახასიათებლების და მათი გაუმჯობესების გზები. დასმული ამოცანის განსახორციელებლად გამოყენებულია სამეცნიერო-კვლევითი ხელსაწყოების შექმნის ალგორითმი, რომელიც ითვალისწინენს სისტემურ მიდგომას პრეცეზიული გამზომი ხელსაწყოების ფუნქციონალური კვანძების (სისტემის ელემენტების), მათ შორის კავშირების და ოპერციების შესრულების მიმდევრობის მიმართ. ყოველი კვანძი და მისი საინჟინრო რეალიზაცია განზოგადოებულია და შეფასებულია, როგორც ქვესისტემა. სპექტრომეტრიის და მეზობელ ან მომიჯნავე დარგებში მოძებნილია ტექნიკურ-ეკონომიკური პარამეტრებით რეალური და რეალიზებადი ტექნიკური გადაწყვეტილება. ამავე მიდგომით შეფასებულია ამ გაუმჯობესებული ელემენტების სისტემური ორგანიზების საკითხი და ოპერაციათა მიმდევრობის შეცვლით სისტემის პარამეტრების გაუმჯობესების შესაძლებლობა. ამ ნაწილშიც შემოთავაზებულია გაუმჯობესების ტექნიკური გადაწყვეტილება. განხილულია განათების, ატომიზაციის, სპექტრული გაშლის, ფოტომეტრიის და სისტემის ციფრული საშიალებებით მართვის და მონაცემთა რეგისტრირების კვანძები. სისტემური თვისებების შეცვლით შედეგის გასაუმჯიბესებლად, ოპერაციათა მიმდევრობის შეცვლა შემოთავაზებულია - სისტემაზე „პროეცირებულია“ გაზომვებში ცნობილი ინფორმაციის ორმაგი კორელირებული ამოკრეფის მიდგომა.